中環在線：港置辣招捽數 冇客經紀要罰企

蘋果日報
政府連環出招打壓樓市後，地產代理嗌晒救命。繼美聯物業（1200）前日發出奪命手機短訊，旗下香港置業噚日亦出攞命通告，即日起至本月底，交唔到數嘅人唔准放假，仲一定要開到單咁滯。
市場噚日流傳一張，來自香港置業其中一個港島豪宅區嘅內部通告，抬頭寫住「最後十天【非常時期，非常大行動】」，因錄得大額虧蝕，要推「3月份最後十天大行動」，簡言之，就係捽數。
通告列出捽數五招，包括唔夠數嘅主管同前線代理，一律冇得放假；返工遲到要罰50蚊；最慘就係，所有喺一手盤撈客嘅代理，如果當日一個客都撈唔到，要企到樓盤示範單位閂門先准收工。唉，如果間間代理都出呢招，代理為爭客打交可能閒過立秋。

http://hk.apple.nextmedia.com/financeestate/art/20130322/18203440